Alex Urangak Bodyboard World Tourretik kanpo gelditu da Nazaren

Alex Uranga Nazaren. Joan den asteburuan hasi zen Alex Uranga Bodyboard World Tourreko proba jokatzen Nazaren (Portugal), eta lehen txanda pasatu ahal izan zuen, Gabriel Braga brasildarra ozta-ozta mendean hartuta. Final laurdenetarako txartela eskuratu zuen zumaiarrak, eta itsasoaren egoera tarteko, atzora atzeratu zen bigarren fase hori. Atzo, baina, lehen saiakeran txapelketatik kanpo gelditu zen. Alan Muñoz txiletarra eta Antonio Cardoso portugaldarra izan zituen aurkari, eta hirugarren eginda, kalean geratu zen. 11,6 puntu batu zituen Urangak, Cardosok 12,5 puntu eta Alan Muñozek 16,75 puntu.

Bodyboard zirkuituko proba, igandean

Zumaiako Itzurun hondartzan jokatzekoa den Euskal Bodyboard Zirkuituko bigarren proba, azkenean, igandean egingo dute itsasoak laguntzen badu. Joan den asteburuan zen txapelketa jokatzekoa, baina olatu faltagatik astebetez atzeratu zuten. Txapelketa Euskal Herriko Surf Federazioak antolatu du, eta lehiakideek 08:15ean egin ahal izango dute checking-a. Txapelketa 18 eta 16 urte azpiko neska-mutilek jokatuko da.