Alex Uranga. (BAT Basque Team)
Bodyboard World Tourreko proba ari dira jokatzen egunotan Nazaren (Portugal), eta, kostatuta, baina Alex Uranga zumaiarrak final laurdenetarako txartela eskuratu zuen atzo. 13 puntu lortu zituen Urangak bere txandan, eta Gabriel Braga brasildarra mendean hartu zuen 0,5 punturen aldea aterata.
Gaur, igandea, ziren azken txandak eta final laurdenak jokatzekoak, baina itsasoaren egoera tarteko, gaurko saioa bertan behera utzi du antolakuntzak. Horrenbestez, aldaketarik ezean, asteazkenean jokatuko dituzte final laurdenak. Urangak Alan Muñoz eta Antonio Cardoso izango ditu aurrean final laurdenetan.
Alex Uranga Nazareko bodyboard probaren final laurdenetan izango da
Gaur ziren final laurdenak jokatzekoak, baina itsasoaren egoera tarteko, asteazkenera atzeratu dute jardunaldia. Atzoko txandan lortu zuen zumaiarrak hurrengo faserako txartela.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide