Enbil eta Mikel Egiguren deitu ditu Espainiako selekzioak Biarritzen urriaren bukaeran jokatuko den Munduko Koparako, eta bi puntistek uko egin diote Espainiarekin parte hartzeari.
Gotzon Enbil. (Baleike.eus)
Gotzon Enbil (Zumaia, 1977) eta Mikel Egiguren (Donostia, 1977) puntistek uko egin diote Jai Alai World Tourren Espainiako selekzioarekin jokatzeari. Aste honetan Noticias Taldeak egindako elkarrizketa batean aurreratu dutenez, bi puntistak ez dira urriaren 26tik 31ra Biarritzen jokatuko den Munduko Kopan izango.
Bi kirolariek azaldu dutenez, hautatzaileen deia jaso ostean hausnartzen aritu ziren eta erabaki zuten Euskal selekzioarekin jokatu nahi dutela. Hartutako erabakiarekin ez dutela polemikarik eragin nahi azaldu dute.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide