Kanpainaren sustatzaileak. (Baleike.eus)
Zumaiako Udalak abizenak euskaratzeko kanpaina jarri du martxan Zumaiako Udalak. Euskara Aholku Batzordearen ekimenez eta UEMArekin elkarlanean antolatu dute egitasmoa, eta abizenak euskaratu nahi dituztenak Bake Epaitegira joan beharko dute (Kantauri plaza, 6), honako agiri hauekin: errolda agiria, NANaren fotokopia, familia liburuaren fotokopia eta hitzez hitzeko jaiotza ziurtagiria.
Bake Epaitegian emandako eskaera orria bete eta sinatu beharko dute herritarrek, eta behin izapide horiek guztiak eginda, epaitegian bertan egingo dute abizenen grafia aldatzeko prozesu guztia. Aldaketa egitea doakoa izango da.
Argibide gehiago jaso nahi dituztenek Bake Epaitegira, 943-86 00 67 telefonora, deitu dezakete goizez edo euskaratxanpan@zumaia.eus helbidera idatzi.