Kataluniari elkartasuna adierazteko eta demokraziaren defentsan, mobilizazioekin jarraitzen dute eskualdean. Atzo eguerdian sindikatuek deituta egin zituzten elkarretaratzeen ondoren, herritarrek berriro lapikoak atera zituzten kalera iluntzean.
Azpeitian, 60 lagun inguru atera zen kalera atzo, urriak 3, kazolak eskutan, Kataluniari babesa erakusteko elkarretaratze zaratatsura. 22:00etan elkartu ziren plazan, eta Alde Zaharreko kaleetatik igaro ziren ondoren. Plazan amaitu zuten errepresioaren aurkako mobilizazioa. Baina ustekabe batekin egin zuten topo atzoko elkarretaratzera batu zirenek. Izan ere, Erdikalean behera zihoazela kataluniar bat "gracies!" oihuka hasi zen, eta plazaraino jarraitu zuen gainerako azpeitiarrekin, kalejira zaratatsuan. Lapiko hotsak isiltzean, eskerrak eman zizkien elkartasun mobilizazioan parte hartu zuten guztiei.
Uztarriak bideoa egin du irudiekin.
https://youtu.be/gEsZiDPdxS4
Zarautzen, igandean bezala, protesta zaratatsua egin zuten ehunka lagunek atzo gauean. Herriari itzulia eman ondoren, Lege Zaharraren enparantzan amaitu zuten kazerolada. Ikusi bideoa,
Zarauzko Hitzan.
Zarautzen, kazerolada. (Twitter: Hodei Iruretagoiena)
Zestoako
Arroabea auzoan ere kalejira zaratatsua egin zuten eltzeekin hainbat lagunek.
Kazerolada egin zuten Arroabean. (Hitza)
https://youtu.be/O_s5ubUauJQ
Zumaian, dozenaka herritarrek
giza katea egin zuten Erribera kalean zehar,
Demokrazia. Herritarrok dugu hitza lelopean.
Giza katea, Zumaian. (Baleike)
