Sekulako uda ari da izaten hau imanol Lopez puntista zumaiarrarentzat. Jai Alai World Tourreko bigarren Grand Slama irabazi du; aurrekoa Gernikakoa izan zen eta orain Hondarribikoa irabazi du, Mikel Egiguren donostiarrarekin batera.
Lopez garaikurrarekin. Argazkia: Jai Alai News
Erkiaga eta Irastorza aurkariek ez zizkieten gauzak erraz jarri eta lehen seta haien poltsikora joan zen (15-10). Bigarren setean agintzen jarri zen atzelari zumaiarra eta aurkariei ez zien aukera handirik eman. 4-15 emaitzarekin irabazi zuten Egigurenek eta Lopezek bigarren seta. Hirugarren setean erabakiko zen nork irabaziko zuen Hondarribiko txapelketa. Baina, Lopezek ez zuen amore emateko asmorik eta 2-5 emaitzarekin irabazi zuten hirugarrena ere.
Txalo zaparrada batekin agurtu zituzten Hondarribiko Jostaldi frontoira hurreratu ziren zaletuek.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide