Festak ez du etenik Zumaian. Sanpedroetan murgilduta dabiltza herritarrak asteazkenetik, eta igandera
egitarau betea izango dute zumaiarrek. San Pedro Eguna izan zuten atzo, eta festen egun nagusian, Tolosako
dultzaineroek eman zioten hasiera ospakizunei. Ohiturari jarraituz, alkatearen soinuaren ondoren,
prozesioa egin zuten kaleetan, eta ondoren meza nagusia egin zuten.
Arratsaldean, berriz, emakumeen
pilota partida jokatu zuten Odietan. Antolatzaileen arabera, "partida historikoa" izan zen atzokoa, aurrenekoz herriko frontoian emakumezkoen eskuz binakako partida bat jokatu zelako. Nagore Aramendi eta Oihana Unanue azpeitiarrek irabazi zuten txapelketa, eta Aramendik jokalari onenaren saria jaso zuen. Egunari amaiera emateko, berriz, Astondoa su etxearen eskutik
su festa izan zen.