Zumaiak galdu egin du Herriarteko Zesta Punta Txapelketaren finala

Zumaiako eta Mutrikuko puntistak finalaren ostean. (Baleike.eus) Zumaiak galdu egin zuten zapatuan Mutrikuren aurka jokatutako Herriarteko Zesta Punta Txapelketaren finala. Donostiako Balda pilotalekuan neurtu zituzten indarrak bi herrietako puntistek, eta 3-0 nagusitu ziren mutrikuarrak. Lehen partida kadeteek jokatu zuten, eta 20-16 galdu zuten zumaiarrek. Bigarren partidan, jubenilenean, 35 eta 13 nagusitu ziren mutrikuko pilotariak. Hirugarren eta azken partida izan zen estuena, baina zumaiarrek ezin izan zituzten mutrikuarrak mendean hartu, eta 35-31 bukatu zen norgehiagoka.