Gipuzkoako Herriarteko Esku Pilota Txapelketan Azkoitiak eta Azpeitiak aurrera egin dute, eta gainera, finalaurdenetako hurrengo norgehiagoka elkarren artean jokatuko dute
datorren ostiralean (ekainak 2), 22:00etan, Azpeitiko Frontoi Txikian.
Zestoa eta
Zumaia, berriz, txapelketatik kanpo gelditu dira. Zestoak Oñatiren kontra 4-2 galdu du, eta Zumaiak Astigarragaren aurka 5-1.
Azpeitiak Tolosako taldea utzi du bidean gaur, igandea, Gipuzkoako Herriarteko Pilota Txapelketan,
5-1 irabazita. Azpeitian aurreko astean jokatu zuten, eta orduan Ilunpekoek 3-0 irabazi zuten. Gaur itzulerakoa jokatu dute Tolosan, eta aurreneko partidatik hartu dute aurrea Ilunpekoek; kadeteek (Unai Alberdik eta Mikel Unanuek ) 11-22 irabazi dute. Bigarrena ere aise (6-22) irabazi dute Azpeitiko pilotari Gorka Iriarte eta Julen Egiguren jubenilek. Seniorrena, aldiz, justu-justu baina galdu egin du Azpeitiak, Jabier Odriozolak eta Daniel Murgiondok: 22-21.
Ostiralean jokatuta Azkoitia, Zestoa eta Zumaia
Urola Kostako gainontzeko herrietako taldeek ostiralean izan zituzten Herriarteko neurketak.
Azkoitiak Asteasuren kontra jokatu zuen itzulerakoa Azkoitiko Gurea pilotalekuan. Joanekoetan bezala, itzulerakoan ere, kadete eta jubenil mailan nagusitu ziren pilotari azkoitiarrak Asteasuren aurka.
AZKOITIA 2-1 ASTEASU (4-2)
Kadeteak: Azkoitia-Uranga 22-3 Huitzi Iruretagoiena
Jubenilak: Cuevas-Azkoitia 22-8 Elizegi-Otaegi
Seniorrak: Unanue-Zendoia 9-22 Jon-Xabier Urbieta
Azkoitiko pilotariak Asteasun kontrako norgehiagokan Azkoitiko Gurea pilotalekuan. (Argazkia: Maxixatzen.eus)
OÑATI 2-1 ZESTOA (4-2)
Kadeteak: Ibon-Iñigo Perez 22-8 Alonso-Salegi
Jubenilak: Biain-Gartzia 22-4 Zunzunegi-Olaizola
Seniorrak: Perez-Otxoa 5-22 Gelis-Salegi
ASTIGARRAGA 3-0 ZUMAIA (5-1)
Kadeteak: Urdangarin-Zapiain 22-10 Gainza-Beristain
Jubenilak: Olarra-Exposito 22-13 Larrañaga-Etxabe
Seniorrak: Loidi-Sanchez 22-2 Iriondo-Iribar
