Itzuliko partida maiatzaren 14an izango dute oriotarrek, Asteasuren aurka; Zumaiarrek ere, zesta puntan galdu egin zuten, 1-2
Joan zen asteburuan hasi zen Gipuzkoako Herriarteko Pilota Txapelketa, final hamaseireneko partidetatik. Oriok Asteasuren aurka jokatu zuen norgehiagoka, eta hiru partidetatik hiruak galdu zituen: lehenengo partidara ez ziren agertu pilotariak; bigarrengoa 22-19 galdu zuten; eta hirugarrena 22-8. Hurrengo partida itzulekoa izango dute oriotarrek, maiatzaren 14an.
Zesta puntan, berriz, Zumaia ari da lehian, eta haiek 1-2 galdu zuten Mutrikuren kontra: lehenengo partida 15-30 galdu zuten; bigarrena ere galdu egin zuten, 24-35 puntuazioarekin; aldiz, hirugarrena 35-21 irabazi zuten.
Guztira, eskualdeko bost herri ari dira lehian: Azpeitia, Azkoitia, Orio, Zestoa eta Zumaia. Azpeitia, Azkoitia eta Zestoa final zortzirenetan hasiko dira lehian.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide