Horrez gain, aurten, kadete mailako lasterketa antolatuko dute, 14,14 kilometroko ibilbideduna, eta Espainiako kadete mailako txapelketa izango da. Maratoiko eta maratoi erdiko ibilbideak bere horretan mantendu dituzte, nahiz eta aldaketa txiki batzuk egin dituzten. Maratoiaren kasuan, Mendatako igoera zuzenago egingo dute, labarraren paretik. Mendi maratoiari dagokionez, berriz, Elorriaga parean harralderantz zegoen jaitsiera-igoera kendu egin dute, ibilbidea samurtzeko. Bestalde, Talaimendiko azken aldapa igo ondoren helmugaranzko bidea Itzurungo aldapatik egingo dute, San Telmo kaletik jaitsi beharrean.
Lasterketak 8:30ean hasiko dira, baina aurrez omenaldia egingo diote Juanito Oiarzabal mendizaleari. Oiarzabalek berak hitzaldia eskainiko du ekainaren 23an Aita Mari aretoan, 19:30ean hasita, eta 2011n Lothse mendira egin zuen igoeraren inguruko ikus-entzunezkoa eskainiko du.
Aurten ere 300 boluntariok baino gehiagok ariko dira lanean egunean bertan, proba behar bezala atera dadin. Bestalde, gizarte ekintzara laguntza bideratzen jarraituko dute antolatzaileek, eta Aspanogi, Markelen Irria, Hegoak Astinduz eta SOS Himalaya taldeak diruz lagunduko dituzte.
Lasterketaren webgunean aurkituko dituzue aurtengo araudia, ibilbideen mapak eta beharrezko informazio guztia: zumaiaflyschtrail.com
Espainiako Txapelketak jokatuko dituzte egun horretan, eta itsuentzako ultra trail txapelketa egingo dute lehen aldiz. Selekzioentzat eta itsuentzat izen-ematea zabalik dago jadanik, baina gainontzeko korrikalarientzat maiatzaren 2an irekiko dute epea. 700 korrikalarik parte hartu ahal izango dute.
Iazko Flysch Traileko irudi bat. (Baleike.eus)
Zumaia Flysch Trail mendi lasterketaren bederatzigarren edizioa jokatuko da aurten, eta ekainaren 25ean izango da proba. Uztailetik ekainera aurreratu dute lasterketa, eta aurtengoan bakarkako nahiz taldekako Espainiako Txapelketak jokatuko dira trailarekin batera. Gainera, izango da berrikuntzarik; izan ere, itsuen ultra trail txapelketa jokatuko da aurten aurrenekoz. Maratoiko ibilbide berbera egingo dute itsuek, hiruko taldeetan antolatuta eta makil bati helduta: aurrean ikusmen arazorik ez duen gidaria joango da, erdian erabat itsua den pertsona eta atzean urritasunen bat duena.
Selekzioen eta itsuen izen-emateak zabalik daude dagoeneko, baina gainontzeko korrikalariek maiatzaren 2tik aurrera eman ahalko dute izena www.kirolprobak.com webgunean. 700 korrikalarik parte hartu ahal izango dute proban; 400 lagunek maratoian, eta 300ek beste lasterketetan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide