Gotzon Enbilek lortu zituen Euskadiko Pilota Federaziorako hauteskundeetan boto gehien. Patxi Jauregiren errekurtsoa ez dute aintzat hartu eta azken orduko ezustekorik ez bada, zumaiarra izango da presidentea.
(Argazkia: Sara Utrera)
Hauteskundeak irabazi dituzu, baina Jauregiren hautagaitzak errekurtso bat aurkeztu behar zuen. Zertan geratu da?
Patxik eta beste batzarkide batzuek aurkeztu zuten errekurtsoa, irregulartasun batzuek egon zirelakoan. Batzarrean klubek, pilotariek eta epaileek hartu zuten parte; hauek dira botoa ematen dutenak. Iritsi zaidan aktak dio errekurtsoa ez dela aintzat hartzen. Oraindik ere badago erabaki hori errekurritzea eta Correo egunkarian irakurri dudanez, Patxik aurrera jarraitzeko asmoa du. Baina, niri heldu zaidana da ni naizela presidentea.
Bozketan berdintasun handia izan zen. Zuk 80 boto jaso zenituen eta Patxik 70. Nahiko erdibituta atera da pilota mundua.
Bozketako zenbakiak nola izan diren ez dakigu; zenbaki orokorrak dakizkigu, baina susmoa dugu beraiek Gipuzkoan indar handiagoa izan dutela, eta Bizkaian eta Araba nahikoa parekatua atera dela. Bai, ikusten da nahiko parekatuak daudela indarrak. Guk irabazi dugu, baina gure helburua beraiekin ere kontatzea da. Azkenean pilota aurrera eramateko denon elkartasuna behar da.
Elkarrizketa osorik baleike.eus atarian irakurgai.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide