‘Kaskabeltza’-k irabazi du arrantza txapelketa

(baleike.eus) Ainguratutako ontzitik egindako Zumaiako Klub Nautikoaren XII. arrantza txapelketako azken jardunaldia jokatu ondoren, Kaskabeltza ontzia izan da aurtengo irabazlea, Spar eta Asileiren aurretik. Larunbateko saioan, 69 arrain arrantzatu zituen Kaskabeltzak, guztira 27 kilo osatuz; bigarren Matraka izan zen (57 arrain eta 20 kilo), eta hirugarren Asilei (52 arrain eta 19,2 kilo).