Xixili Egunari lotutako kontzertuak antolatu dituzte

(Baleike.eus) Musikarien zaindaren aitzakian zenbait emanaldi antolatu dituzte aurten ere. Hala, bihar, 18:30ean, Txori Txiki Musika eta Dantza eskolako entzunaldia izango da Komentuan. Ostegunean, berriz, Musika Eskolaren jaialdia izango da 19:00etan  Maria eta Jose ikastetxeko aretoan. Larunbatean, 19:00etan, Zumaiako Udal Musika Bandaren La divina comedia kontzertua izango da, Komentuan. Hilaren 22an, 18:00etan, Zumaiako Udal Txistulari Bandaren kalejira izango da eta 27an, igandean, Beheko Plaza abesbatzak kantatutako meza nagusia.