Gaur goizean hasi dira botatzen Odieta kalean dagoen eta urteak hutsik zeraman etxea. Horren ordez beste etxe bat eraikiko da. "Familiarentzako egindako etxea izango da", argitu du eraikin berria egingo duenak.
(baleike.eus)
Paixanonekoa Odieta auzoan ilaran dauden lau etxeetatik azkenekoa da, plazatik abiatuta. Imanol Azkuek bere Zumaia, izena eta izana liburuan hala deskribatzen du: "Torreberriren ondoan, lehen bazeuden denborak ere ezabatu dituen etxe batzuk: Epeldenekoa eta Iztueta. Gaur egun, berriz, etxe txikien segida bat dago: Motxaenekoa, Migeltxikinekoa, Xendokoa eta Paixanonekoa, Odieta kalean". Azken hau da gaur goizean eraisten hasi direna.
Langileek azaldu dutenez, bizpahiru egun beharko dituzte etxea bere osotasunean botatzeko. "Mantso ari gara lanean. Egurra eta harria bereizten ari gara, gero birziklatua izan dadin", adierazi du Xabik, etxe berria egingo duen lagunak.
Irakurri albiste osoa Baleike.eus webgunean.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide