Surf txapelketa herrikoia jokatuko dute asteburuan Zumaian, Itzurunen

Zumaiako XVII. Surf Txapelketa Herrikoia jokatuko da asteburuan Itzurun hondartzan. 53 surflarik eman dute izena parte hartzeko, horregatik txapelketa bi egunetan jokatzea erabaki dute antolatzaileek. Bihar, larunbata, 08:00etan hasiko dituzte txapelketako lehen saioak. Goiz eta arratsaldez izango dira txandak. 13:00etan, ordea, gelditu egingo dira Itzurun errespetatu lelopean antolatutako argazki jendetsuarekin bat egin eta parte hartzeko. Igandean, berriz, 13:00ak bitartean jokatuko dira surf lehiaketako finalak eta ondoren sariak banatuko dituzte. Egun horretan txapelketa jokatzen ari den bitartean parrilada antolatuko dute Zumaiako surf elkartekoek.