Presoen, iheslarien eta deportatuen eskubideen aldeko mobilizazioak izango dira bihar

Azkoitian 2015ean egindako giza sare baten irudia. Presoen, iheslarien eta deportatuen eskubideen aldeko mobilizazioak egingo dituzte bihar, urriko azken ostirala, Urola Kostako hainbat herritan. Sarek deitutako mobilizazioak 19:00etan egingo dituzte, Azpeitian eta Azkoitian. Azpeitiko elkarretaratzea plazan izango da eta Azkoitiko giza sarea ere plazatik abiatuko da. Getarian 19:30ean egingo dute kontzentrazioa udaletxe aurrean, eta Zarautzen 19:45ean izango da bilkura udaletxeko plazan. Zestoako plazan 20:00etan egingo dute kontzentrazioa, eta Zumaian ere ordu berean izango da, Erribera kalean. Orion ere 20:00etan jarri dute hitzordua, plazan. Errezilen, berriz, 22:00etan egingo dute mobilizazioa, eta, Aizarnazabalen, 20:00etan, udaletxe aurrean.