Zesta puntako pilotariak Madrilen jokatuko du 'Villa de Madrid' nazioarteko txapelketa. Ostiralean, 16:00etan jokatuko du finalerdia, eta irabaziz gero, larunbatean izango du finala, 18:30ean.
Imanol Lopez zesta puntako pilotaria (Gorka Zabaleta)
Imanol Lopez zesta puntako pilotari zumaiarra Mexikon bizi da duela urtebete baino gehiagotik. Ordutik, bertan entrenatu duen arren, ez du lehiaketa ofizial batean jokatu. Bihar, ordea, lehiaketara itzuliko da Madrilen jokatuko den 'Villa de Madrid' nazioarteko txapelketa ofizialean. Lopez, Egiguren, Goikoetxea, Olharan, Enbil, Olha, Erkiaga II eta Inzarekin batera arituko da Euskal Pelota Nazioarteko Federakuntzak antolatutako txapelketan.
Bihar, ostirala, hasiko da binakako txapelketa Madrilen. 16:00etan jokatuko dituzte finalerdiak, eta bikote irabazleek larunbatean, 18:30ean jokatuko dute finala. Bikoteak eta finalerdietako gurutzaketak zozketa bidez egingo dituzte, gaur.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide