Amenabar, Benidorm eta Bidasoak hartuko dute parte Pulpok antolatutako udako torneoan.
Gaur Udako Eskubaloi Torneoa jokatuko dute, Zumaiako Lubaki kiroldegian, 17:30etik aurrera. Txapelketa triangularra izango da aurtengoa: Amenabar, Bidasoa eta Benidormen artekoa.
Hiru partida izango dira: 17:30ean Bidasoa eta Amenabarren artean, 18:30ean Benidorm eta Bidasoaren artean eta azkenengoa, 19:30ean Amenabar eta Benidormen artean. Benidorm eta Bidasoaren arteko partida hasi aurretik bi talde horietako jokalari bana omenduko dituzte: Bidasoako Kauldi Odriozola eta Benidormeko Ander Torriko zumaiarrak, hain zuzen. Orain dela gutxi itzuli dira biak Europako txapelketa irabaztetik.
Oraindik sarrera eskuratu ez dutenek 16:30etik aurrera erosi ahalko dituzte kiroldegian bertan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide