Autobus zerbitzuak jarri dituzte saninazioetan Azkoitira eta Zarautz aldera itzultzeko

San Inazio jaiak direla-eta, autobus zerbitzu bereziak jarri dituzte gauean eta goizaldean, Azpeititik Urola Erdiko eta Urola Kostako udalerrietara itzultzeko. Azpeititik Zestoara, Zumaiara, Getariara eta Zarautzera joateko linea indartu dute, alde batetik;?eta Azpeititik Azkoitira artekoa, bestetik. Larunbaterako, iganderako eta astelehenerako jarri dituzte ibilbide eta ordutegi bereziak. Bestalde, abuztuaren 4ra artean, Tren Museo pareko eta Julian Elorza hiribideko geltokiak kenduko dituzte; eta, urtero legez, bariantean jarriko dituzte haien ordezkoak.

Ordutegiak

Azkoitia. 00:10ean, 01:40an, 02:40an, 03:40an, 04:40an, 05:40an eta 06:40an. Anbulatorioko geltokitik irtengo dira autobus guztiak. Zestoa. 00:30ean, 01:15ean, 02:30ean, 03:15ean, 04:30ean, 05:15ean eta 06:10ean. Zumaia. 00:30ean, 02:30ean, 04:30an, 06:10ean. Getaria eta Zarautz. 02:30ean eta 04:30ean larunbatean, igandean eta astelehenean. Larunbatean, 06:10ean ere bai.