Atxilotuak Zarauzko Ertzain Etxera eraman dituzte, eta bizikletak ere han daude. Jabeek Zarautzera joan beharko dute salaketa jarri eta bizikleta jasotzera, Zumaiako Udaltzaingoak informatu duenez.
Gaur 11:40 inguruan herritar batek deitu du Zumaiako Udaltzaingora Aita Mari auzategiko 27. atarian, futbol zelai ondoan, bi gizonezko bizikletak lapurtzen ari zirela. Udaltzaingoa gerturatu denean lapurretan harrapatu ditu bi gizonak. Lapurretako bat han bertan atxilotu dute, baina bestea ihes egiten saiatu da. Hala ere, segituan harrapatu dute bigarrena ere.
Ertzaintzari deitu diote atxilotuak Zarauzko Ertzain Etxera eramateko. Guztira, lau bizikleta lapurtzen saiatzen ari ziren. Bizikletak ertzain etxera eraman dituzte, eta jabeek Zarautzera joan beharko dute salaketak egitera eta bizikletak jasotzera.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide