Errausketa eta osasunaz hitzaldiak antolatu dituzte

GIZARTEA // Errausketak osasunean izan ditzakeen ondorioei buruzko hitzaldia antolatu dute gaurko, 19:00etan, Zestoako udaletxeko aretoan. Itziar Larrañaga eta Jose Ramon Furundarena medikuek hitz egingo dute bertan. Bestalde, bihar, Zumaiako Natur Taldeak antolatuta, beste hitzaldi bat izango da, Zumaiako Alondegian, 19:00etan. Koro Zabaleta eta Eñaut Agirre dira hizlariak, biak ere medikuak eta Osasuna eta Errausketa ikerketa taldeko kideak.