Junkeraren saiorako sarrerak larunbatean banatuko dituzte

KULTURA // Larunbatean Zumaian izango da Kepa Junkera, Marea Zumaian kanta eta bideoklipa aurkezten, Geoparkeen Asteak antolatuta. Ekitaldia 19:00etan hasiko da, Alondegian, eta ordubete inguru iraungo du. Sarrera doan da, baina txartelak eskuratu behar dira; Alondegian bertan banatuko dira, 18:00etatik aurrera, aretoa bete arte. Kepa Junkera hiru urtez bizi izan zen Zumaian haurtzaroan, eta Zumaiako herriari bere esker ona adierazteko modua da kanta berria primizian aurkeztea.