Ekainaren 19an hasiko da aurtengo TKE traineru liga, Sevillan (Andaluzia, Espainia). Bertan izango da Zumaiako Telmo Deun trainerua. Horren aitzakian, danborrada bat osatu eta bertako kaleak alaitzera joateko asmoarekin dabil santelmoetako danborradatik osatutako talde bat. Urteren batean danborradan jo eta bidaia horretan parte hartu nahi dutenek bihar egingo duten bilerara deitu dituzte; Alondegiko Oxford aretoan da, 19:30ean.
Antolatzaileekin harremanetan jartzeko santelmodanborrada@gmail.com helbidera idatz daiteke.