Tartean Teatroa konpainiak thriller bat eramango du gaur Aita Mari aretoko oholtzara. Patxo Telleriak idatzi eta zuzendutako (azken hau Jokin Oregikin batera) Zergatik, Jamil? izeneko antzezlana ikusteko aukera izango da gaur, 22:00etan hasita Zumaiako aretoan. Sarrerak salgai daude Turismo Bulegoan aurrez 9 eurotan, 6 eurotan Gazte Txartelarekin edo Aita Mari lagun izanda. Gauean aretoko leihatilan ere salduko dituzte.
Mikel Martinez eta Eneko Sagarduy aktoreak igoko dira oholtzara. Kolpe bat jaso eta memoria galdu duen pertsonaia da bat. Dakien gauza bakarra, poliziak esan diolako, zera da: bere ohean zetzan elbarritu babesgabe bat tiroz hil duela; duela gutxirarte maitekiro zaintzen zuen gizona, hain zuzen ere. Bere burua duin eta zintzotzat du, eta hala ere krimenik gorrotagarriena burutu du. Eta bere buruari galdetzen dio: «Zergatik, Jamil?».
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide