Eduki hau partekatzeko esteka arbelera kopiatu da.
Urola Kostako Ertzain etxekoek Zumaian atzo goizaldean 29 urteko gizonezko bat atxilotu zuten lapurretan saiatzea egotzita. Ertzaintzatik adierazi dutenez, goizeko bostak aldera Joxe Mari Korta industrialdeko tailer bate barruan pertsona bat atzeman zuten. Enpresara sartzeko atea behartuta zegoen, eta haren aurrean bi furgoneta zeuden martxan tailerreko hainbat material barruan zituztela. Enpresa barruan zegoen 29 urteko gizonezkoa metalezko materiala lapurtzen saiatzea egotzita atxilotu egin zuten.
Bestetik, atzo eguerdiko hamabiak aldera 43 urteko gizonezko bat atxilotu zuen Ertzaintzak Zumaian. Kasu honetan droga trafikoa egotzita atxilotu dute, hauts zuria zuen poltsa bat atzeman zioten, ustez speed-a.