Zestoako Arroabean Udazkenfest izenburupean antolatu du hiru eguneko egitaraua Ederki elkarteak, ostiraletik igandera arte. Zumaian gaur hasiko da mikologiari eskainitako astea.
Onddo eta perretxikoak hasi dira agertzen dagoeneko inguruko zelai eta basoetan. (Jaime Olaizola)
Zuhaitzetako hostoak kolore gorri, hori, marroi eta moreak hartzen hasten direnean sortzen dira inguruko baso eta larreetan sukaldeetan hain preziatuak diren onddoak. Hain zuzen, datorren astebururako hainbat zeregin antolatu dituzte onddoak ardatz hartuta Zestoako Arroabean eta Zumaian.
Arroabean Ederki elkartea aritu da antolatze lanetan, Zestoako Udalaren laguntzaz.
Larunbateko mendi irteeran, adibidez, mota guztietako onddo eta perretxikoak jasoko dituzte gero erakusgai jartzeko: pozoitsuak, elikadura aldetik baliorik ez dutenak eta jangarriak direnak. Hala ere, egoera onean daudenak soilik hartuko dituzte Ederki elkartera eramateko. Gero, elkartean bertan aukeratu, garbitu eta sailkatuko dituzte. Afaria ere egingo dute jangarriekin, eta horretarako izena eman behar da Lurdesenea, Txomin taberna edo Keixa fruta dendan. Beste aukera da, ederki.eus-en izena ematea. Menua 25 eurokoa da, eta lau platerek osatzen dute: ziza horien kremak, boletusdun rapeak, euskal txerri azpizunak basoko onddoekin, eta banilla izozkiak.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide