Urrezko domina lortu du Osak piraguako mundialean, K-2an

KIROLA // Luis Medrano Valladolideko piraguistarekin osatu du ontzia aurten ere Xabier Osa zumaiarrak, eta Munduko Txapelketan beterano mailan urrezko domina eskuratu zuten atzo K-2 modalitatean. Istripu txiki bat izan zuten lehiatzen ari zirenean, baina hala ere hiru minutu pasako aldearekin lortu zuten garaipena Itxas-Gain elkarteko beteranoak eta haren kideak. 1:33:10 denborarekin amaitu zituzten 22,2 kilometroak txapeldunek.