Kanta ezagunen bertsio akustikoak, gaur Itzurun tabernan

Itzurun Acoustic Connection laukoteak kontzertua eskainiko du gaur, 20:00etan, Itzurun tabernan. Ezagunak diren kanten bertsio akustikoak eskainiko dituzte. Hainbat jatorritako kideez osatutako taldea da hau: Elisa Maitea Olaizola (ahotsa eta gitarra) italiar-euskalduna da, Giovanni Zanon (gitarra akustikoa) Zumaian bizi den italiarra, Ales Gorriti (baxua) euskalduna eta Alex Milovanivic (bateria eta perkusioak) Zumaian bizi den serbiarra.