Gaubela feminista egingo dute zapatuan Gaztetxean

GIZARTEA // Ikasturte berria gainera datorren honetan, argazki lehiaketa feminista aitzakiatzat hartuta, Gaubela Feminista izeneko egitasmoa antolatu du Zumaiako Asanblada Feministak. Larunbat honetan egingo dute, 20:00etatik aurrera, Torreberriko Gaztetxean. Ordu horretan zabalduko dute erakusketa, eta ondoren, mokadua, performancea, argazki lehiaketako sari banaketa eta DJ Map-Hko lagunak izango dira.