Inpernupek bere 29. urteurrena ospatuko du igande honetan

ZUMAIA // Zarrailarik ez duena ezin da itxi lelopean ospatuko du Inpernupek bere 29. urteurrena. Igandean izango dira ospakizunak, Erribera kalean. Goiz partean trikitilariak eta jolasak izango dira; 13:00etan, kontzentrazioa eta adierazpena, eta ondoren herri bazkaria. Denei zabalik dago bazkaria, 10 eurotan, eta izenak tabernan bertan emango dira. Arratsaldean pintxoak eta txotxa egongo dira eta, amaitzeko, Voltaia eta Deiadarrekin kontzertua.