Erdigunera ere sartuko dira autobusak udan

GIZARTEA // Uda partean autobusak erdigunera ez sartzeko erabakia hartu izan du udalak azken urteotan, baina udal gobernu berriak erabaki du uda honetan proba egitea. «Kexa ugari jaso izaten dira autobus geldialdien aldaketa dela-eta. Adineko jende asko bizi da herrigunean, eta horiei ere garraio publikoa erabiltzeko erraztasunak ematea da gure helburua», esan du Oier Korta alkateak.