Pilotako Errendimenduko Udaberri Sariko finalak asteburuan dira

Urola Kostako Hitza 2015eko ekainaren 26a
Deskargatu Info Ahotsak :
Español English Français Català Galego

Ekialdeko finalak Zestoan jokatuko dira; eta, Zestoa eta Zumaiako pilotariak finalistetako batzuk dira

Finalak hiru multzotan banatuta jokatuko dituzte: Gipuzkoako finalak gaur Zegaman jokatuko dituzte;  Ekialdekoak, berriz, Zestoan dira bihar, larunbata; eta, Mendebaldekoak Lazkaon dira. Eskuz binaka ariko dira  bigarren urteko  kimu eta infantil mailako pilotariak.

Gipuzkoako finalean Zestoa

Gipuzkoako finalean Zestoako pilotariak ariko dira kimuen mailan. Gaur (ostirala) dira, 19:00etan, Zegamako Udal pilotalekuan. Bigarren urteko kimuen artean eskuz binaka Zestoako Etxeberria-Alonso Hernaniko Apaolaza-Insausti-Oiarzabalen kontra ariko dira.

Ekialdekoak Zestoan, tartean Zestoa eta Zumaia

Bihar, larunbata, 17:00etan, Zestoako Gurutzeaga pilotalekuan Ekialdeko finalak jokatuko dira, finaletan Zumaiako eta Zestoako pilotariak ere ariko dira. Eskuz binaka, bigarren urteko kimuen mailan, Gazteleku 1 (Santesteban-Urruzola) Zumaia 1en (Iribar-Mendizabal) artean jokatuko da finala. Infantilen mailan, berriz, Zestoa (Uranga-Odriozola) EPLE2ren (Aranburu-Salaberria) kontra ariko dira.

Kirola Zumaia

Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide