Atxilotutako gazteei elkartasuna adierazi die Zumaia Librek

GIZARTEA // Joan den asteartean Gasteizko Aske Gunean antolatutako herri harresian hiru gazte zumaiar atxilotu zituen Ertzaintzak, beste 20 bat lagunekin batera. Zumaia Libre mugimenduak Gasteizen gertatutakoa salatu du, eta elkartasuna adierazi die atxilotu guztiei: «Desobedientzia baketsuaren aurrean, 60tik gora zauritu utzi ditu Ertzaintzak. Auziperatutako hiru gazteez gain, gutxienez beste 20 lagun atxilotu ditu, horietatik hiru zumaiarrak. Desobedientzia zibil baketsua kriminalizatu nahi dute».