Zarataren inguruko kexak eta proposamenak

GIZARTEA // Zarataren inguruan herritarren iritzia jasotzeko mahaia jarriko da bihar eta etzi Beheko Plazan, 10:30etik 13:30era. Zumaiako ikasleek proposatutako ekimena da. Ikastetxeetan zarataren arazoa landu dute Agenda 21 programaren barruan, eta zenbait konponbide aurkeztu dizkiete udal ordezkariei. Besteak beste, herritarrei kexatzeko eta proposamenak egiteko aukera ematea planteatu zuten ikasleek, eta horiek denak biltzeko mahaia jarriko da asteburuan.