Santelmoetako bertso saiorako sarrerak salgai daude

KULTURA // Bertso Eskolak salgai jarri ditu jadanik santelmoetako bertso jaialdirako sarrerak, jaiak uste baino gertuago diren seinale. Apirilaren 10ean izango da Saioa, 22:30ean, Aita Marin. Sarrerak turismo bulegoan eta Inpernupe tabernan eros daitezke, zortzi euroan. Aurten Unai Manterola arituko da gaiak jartzen eta saioa aurkezten, eta bertsotan seikote hau: Unai Iturriaga, Andoni Egaña, Sebastian Lizaso, Maddalen Arzallus, Fredi Paia eta Jon Maia.