Sortu eratzeko prozesuko herri batzarrak bihar

Eskualde osoan Sortu eratzeko prozesuko hirugarrengo herri batzarrak egingo dituzte bihar, eta hauetan parte hartzera deitu dituzte herritarrak. Azkoitian 09:30ean hasiko dute batzarra, Elkargunean eta Azpeitian 10:00etan, Baigera I-eko hitzaldi aretoan. Bi kasuetan, antolaketaz eta funtzionamenduaz ariko dira. Getarian, Herri Eskolan bilduko dira, goizeko 09:30ean; Zarautzen, berriz, Arrano kabia kultur elkartean izango da saioa, 10:00etatik 14:00etara. Zumaiako Forondan ere hausnartuko dute Sortuk aurrerantzean izango duen antolaketa ereduaz eta funtzionamenduaz. Azken bilera hori, gainera, zuzenean jarraitu ahalko da Inpernupe tabernatik edota sortu.net webgunearen bidez.