ZUGA Zumaiako Gazte Asanbladaren VI. urteurrena ospatuko dute bihar. «Ospakizuna eta aldarria bateratuz», goizetik hasi eta gauera bitartean hainbat jardunaldi izango dira. 08:30etan taxi geltokitik abiatuta, Inda Mendira txangoa egingo dute. Eguerdian, paella txapelketa izango da. Osagaiak zein materiala bertan banatuko dute.
Gero, prestatutakoarekin bazkaria egingo dute. 18:30ean zirkoa izango da, eta mozorroak, diaboloak, malabareak eta sudur gorriak eramateko eskatu dute antolatzaileek. Bertsio gaua izango da, 22:30etan.