Eduki hau partekatzeko esteka arbelera kopiatu da.
Zumaiako Udalak herriko traineruek egin duten lana «txalotu» nahi du, eta horregatik, igandean emakumezkoek jokatuko duten Kontxako Banderara joatera gonbidatu ditu herritarrak. Kiroljokoa animatzeko Udalak autobusa jarri du egun horretarako. 09:00etan irtengo da Zumaiatik, eta 14:00etan abiatuko da berriro Zumaiara. Txartelak 4 eurotan daude salgai Turismo Bulegoan.
Donostiara joaten direnek festa giroa izango dute nagusi, kalejira egingo baitute bertan, trikitilarien laguntzarekin. Gainera, 18:30ean ongi-etorria egingo diote neskei, geratzen diren postuan geratzen direla ere. Gizonezkoei ere ekitaldia egingo diete, San Miguel Ligan postuari eutsi diotelako. Kofradian izango da harrera, eta Udalak bertan parte hartzera dei egin die herritarrei.