Zumaiako Olarru-Sub Ur Azpiko Jardueren Kirol Elkarteak antolatuta, Urola itsasadarra garbituko dute larunbatean, hilak 30.
Elkarteak bigarren aldiz garbituko du ibaia Zumaian, eta oraingoan oinezkoentzako zubitik Narruondo auzora arteko tartea garbituko dute, 16:00etatik 18:00etara bitartean.
Hala, garbiketek irauten duten bitartean eremua zaindu eta mugatu egingo dute, eta hondakinak sartzeko edukiontzi bat ere jarriko dute elkarteko kideek.