Zestoako Estazioko industrialdean kokatuta dagoen autokarabanentzako guneko zoruaren margoketa lanak amaitzear ditu Zestoako Udalak. Erakundeak azaldu duenez, gaur arratsaldean bukatuko dituzte iraupen motzeko eta luzeko aparkalekuak margotzeko lanak.
Aparkalekuaren behin betiko erabilera martxan jartzerako beste zenbait lan egin behar ditu udalak, baina gaur iluntzetik aurrera, herritarrek autokarabanak nahiz furgonetak margotu berri duten gune urdinean uzteko aukera izango dute. Gune berdean, berriz, 9 zenbakitik 18 zenbakia duenera arteko aparkalekuak izango dira erabilgarri. Autoak eta karabanak ezingo dituzte aparkaleku horretan utzi, ez gune urdinean, ez berdean.