San Isidro egunaren bueltan ekitaldi sorta prestatu dute aurten ere Arroabean. Atzo, baserritarren zaindariaren egunean, haurren ikasturte amaierako dantza eta trikiti jaialdiak egin zituzten. Pilotalekuko harmailek betekada hartu zuten, eta ikus-entzuleek txalo beroekin eskertu zituzten Arroabeko haurrek eta gaztetxoek urtean zehar landutako eta ikasitako koreografiak zein musika piezak. Frontoiko ikuskizuna bukatutakoan, berriz, Txara kooperatibakoek mokadutxoa eskaini zuten, dendaren bosgarren urteurrena ospatzeko.
Sanisidroak ospatzen jarraituko dute gaur Arroabean. Gaurkoa izango dute, gainera, egunik beteena. Eta bihar, egitaraua borobiltzeko, argazki rallya egingo dute. Hona hemen, egitaraua:
Gaur, larunbata
- 11:00. Txepetxa.
- 17:00. Bingoa.
- 18:30. Magia ikuskizuna: Mariaren kutxa magikoa.
- 21:30. Herri afaria.
- Ondoren, Patx DJa.
Bihar, igandea
- 10:00. Udaberriko VI. Argazki Rallya.