Bi aste baino ez dira falta Kobaz Koba mendi lasterketaren aurtengo ediziorako, eta probaren hamargarren ediziorako prestaketetan buru-belarri dira dortsala eskuratu duten lasterkariak.
Atzo, larunbata, esaterako, Kobaz Kobaren antolatzaileek Zestoako lasterkarientzat prestatutako entrenamendu gidatua egin zuten hogei bat lagunek. Hain zuzen ere, Artzei ibilbidea –hamabost kilometrokoa, motza– osatu zuten horiek, arduradun baten gidaritzapean, eta ondorioz, bidea ezagutzeko parada izan dute.
Kobaz Kobaren aurtengo edizioa otsailarek 8an, igandez, izango da, eta probarako dortsal guztiak berehala agortu ziren. 450 lagunek parte hartuko dute ibilbide luzean eta laburrean; Artzei ibilbidea (15 kilometrokoa) egingo dute 225 korrikalarik, eta Zaldei ibilbidea (30 kilometrokoa) beste 225ek.