Iraetako Santa Ines jaiak hasi dituzte gaur, igandea, eta umeak arduratu dira datorren asteazkenean nahiz asteburuan luzatuko diren festen lehenengo eguna girotzeaz. Arratsaldean frontoian jarritako puzgarrietan jolasean ibili dira, eta 17:30ak aldera hartu dute atseden, txokolate beroa eta bizkotxoak hartzeko.
Santa Ines ermitaren estalpean, gainera, haurrentzako txokoa jarri du Gukak, eta dozenaka ume aritu dira eskulanetan, maskarak margotuz zein pultserak eginez.
Datorren igandera arte luzatuko dira santainesak Iraetan. Honakoa da datorren asteko egitaraua:
- Urtarrilak 21, asteazkena. Santa Ines eguna.
- 11:00. Santa Ines eguneko meza.
- 14:00. Santa Ines eguneko auzo bazkaria.
- Urtarrilak 23, ostirala.
-
22:30. XXXV. mus txapelketa Bekoetxen.
-
- Urtarrilak 24, larunbata.
- 11:55. Txupinazoa eta Vamos al frontón.
- 12:00. Gaztetxoen pilota partidak.
- 12:30. Iraetako Pilota Txapelketako finalak.
- 14:00. Pintxo lehiaketa Gure Ordeka elkartean.
- 16:30. Gaztetxoen txirrindulari lasterketa.
- 19:00. Triki poteoa Naiara eta Maitanerekin.
- 21:00. Garagardo auzo afaria frontoian.
- 23:30. Laket taldearen erromeria.
- Urtarrilak 25, igandea.
- 17:30. Errota Harria harri-jasotze txapelketa.