Zestoako Gazte Asanbladak egun osoko egitaraua antolatu du etzirako, eta goizetik goizaldera arte, askotariko ekintzek hartuko dituzte herriko txokoak.
Faxismoari aurre egiteko tailerrak zabalduko du egitaraua 11:30ean Gaztetxean, eta saio horren ostean, 17:00etan izango da hurrengo hitzordua: izan ere, kirol ikuskizuna eskainiko dute ordu horretan kiroldegian. Jarraian, karropoteoa egingo dute kaleetan, eta musikarekin borobilduko dute eguna, DJ gauarekin: Kintana, Ace eta Costmix, MNX eta Murxi zein Kroke eta 3re disko jartzaileek girotuko dute 22:00etatik aurrera Gaztetxea.