Eguraldi iragarpen kaskarra egin zuten joan zen iganderako, urriaren 26rako, eta ondorioz, Ezkaizto auzo elkarteak azaroaren 2ra atzeratu zuen Arroa Bira ibilaldia. Horrenbestez, gaur egin dituzte Arroa eta inguruak ezagutzeko txangoak: hamalau kilometroko ibilbidea egin dute batzuek, eta 5,7 kilometrokoa beste batzuek.
Ibilaldi luzea egin dutenak 09:00etan abiatu dira Arroabeko plazatik, eta Mardu, Urain gaina, Olaberri, Arroa Goia, Ibañarrieta, San Lorente eta Agote igarota itzuli dira auzora. Ibilbide motzekoak, berriz, plazatik zuzenean San Lorentera joan dira, eta handik Agote zeharkatuta bueltatu dira Arroabeko plazara.
(Argazkiak: Utzitakoak)