Arnasguneen ahotsak ikerketaren gaineko hitzaldia eskainiko du bihar Maddi Dorronsoro antropologoak (Berrobi, Gipuzkoa, 1995) Zestoako Portale kulturgunean, 18:00etan.
Segurako, Aizarnazabalgo eta Zestoako herritarrei euskaraz eta beren herrietako hizkuntz egoeraz duten iritziaz elkarrizketak egin dizkie Dorronsorok bere ikerketarako. "Zer da euskaldun batentzat arnasgune batean bizitzea?" eta "zer diote arnasguneetako euskaldunek euskaraz era euren herrietako hizkuntz egoeraz?". Galdera horiek egin dizkie ikertzaileak euskararen arnasgune diren hiru udalerri horietan elkarrizketatu dituen herritarrei. Orain, elkarrizketa horietan oinarritu duen azterlanaren emaitzak aurkezten ari da herriz herriz, eta Zestoaren txanda izango da bihar.
Hala ere, Zestoako aurkezpen solasaldia eskualdean egingo duen bigarrena da. Izan ere, joan den astean Azkoitian izan zen bere lanaz hizketan Dorronsoro, Maxixatzen Euskaldunon Elkarteak antolatutako Euskola hitzaldi zikloaren bigarren saioan.