Xabin Etxaide omenduko dute larunbatean Zestoan, haren hilketaren 40. urtemugan. 1985eko irailaren 25ean hil zuen GALek zestoarra, Inaxio Astiasuinzarrarekin, Jose Mari Etxanizekin eta Agustin Irazustabarrenarekin batera, Baionako Monbar hotelean egindako atentatuan.
Data horren bueltan urtero egin ohi dutenez, Etxaide oroituko dute haren senideek, lagunek eta herritarrek, jaioterrian. Goizean, Ertxiña mendira igoko dira, 09:00etan hasita, eta gero, 13:00etan, plazan jarri dute hitzordua. Kalejiran joango dira herritarrak estazio zaharraren gaineko parkean dagoen Etxaideren oroitarrira, eta han ekitaldia egingo dute.