Herrian antolatzen diren aisialdi, kultur zein kirol ikastaroetan eta ekintzetan parte hartzeko inork oztoporik izan ez dezan, haurren eta nerabeen aisialdirako 2025-2026 ikasturterako diru laguntza deialdia martxan jarri du Zestoako Udalak.
"Zestoako haur eta nerabe guztien aisialdia eta kirola egiteko eskubidea bermatzea" da deialdiaren helburua. Besteak beste, Itxaropenaren dantza eskolan, antzerki eskolan, bertso eskolan, pilota eskolan edota futbol eskolan aritzeko laguntza behar dutenei zuzendutako deialdia da, eta informazioa nahi dutenek udaleko Gizarte Zerbitzuetara jo behar dute (943-14 70 10 telefono zenbakia, 2 luzapena).