Iraila badoa aurrera, eta ikasturte berriari ekiteko prest dira Zestoako Gaztetxean ere. Hain zuzen ere, bihar arratsalderako antolatu dute ikasturte hasierako batzar irekia. 19:30ean izango da hori, eta interesa duten guztiei azaltzeko gonbidapena egin diete Zestoako Gazte Asanbladako kideek.
Batzarraren ostean, luntxa egongo da, eta jarraian, kontzertuak. Istilu eta Verrater taldeak igoko dira oholtzara, 22:00etatik aurrera. Ikasleek hiru euro ordaindu beharko dute kontzertuak ikusteko sarrera; langileek, berriz, bost euro.